सूर्योदय इङ्लिस बोर्डिङ स्कुल द्वारा प्राथमिक स्वास्थ्य उपचारसम्बन्धी सचेतना कार्यक्रम सम्पन्न
काँकरभिट्टा । सूर्योदय इङ्लिस बोर्डिङ स्कुल ले शुक्रबार प्राथमिक स्वास्थ्य उपचारसम्बन्धी सचेतना कार्यक्रम आयोजना गरेको छ ।
अभिभावक, विद्यार्थी तथा शिक्षकहरूको सहभागिता रहेको कार्यक्रममा आकस्मिक अवस्थामा अपनाउनुपर्ने प्राथमिक उपचारका विभिन्न विधाबारे जानकारी प्रदान गरिएको थियो । कार्यक्रममा सर्पदंशबाट जोगिने उपाय, सीपीआर, माउथ ब्रीदिङ टेक्निक, इलेक्ट्रिक शोक, खाना पकाउँदा हुने दुर्घटना लगायत विषयमा प्रशिक्षण दिइएको थियो । साथै कोलोरेक्टल क्यान्सर, पायल्स, फिस्टुला र हेमोराइड्सजस्ता स्वास्थ्य समस्याबारे पनि सचेतना फैलाइएको थियो ।
स्कुलमा शिव मैनालीले प्रधानाध्यापक सम्हालेयता विद्यालयमा स्पष्ट रूपमा सकारात्मक परिवर्तन देखिन थालेको स्थानीय अभिभावक तथा सरोकारवालाहरू बताउँछन् । विशेषगरी शैक्षिक गुणस्तर, अनुशासन र अतिरिक्त क्रियाकलापका क्षेत्रमा उल्लेखनीय सुधार भएको भन्दै विद्यालयप्रति अभिभावकहरूको विश्वास पनि बढ्दै गएको छ । मैनालीको नेतृत्वमा विद्यालयले विद्यार्थी केन्द्रित कार्यक्रमहरूलाई निरन्तरता दिँदै अझ प्रभावकारी रूपमा अघि बढाइरहेको बताइएको छ ।
मोरङको उर्लाबारीस्थित एन्जल फाउण्डेशन तथा नेपाल रेडक्रस सोसाइटी को सहकार्यमा सम्पन्न कार्यक्रममा ८० जना अभिभावक, २० जना विद्यार्थी र १५ जना शिक्षक सहभागी भएका थिए ।
कार्यक्रमको सहजीकरण प्रशिक्षकहरू सरु निरौला, मनिषा भण्डारी र बिना लिम्बू ले गरेका थिए ।
