आफूलाई पत्रकार भन्न रुचाउने राजकुमार शर्मा सम्पर्कविहीन, परिवारद्वारा खोजीमा सहयोगको अपिल

झापा । काँकडभिट्टा घर भई धुलाबारीमा कामका लागि गएका ४० वर्षीय राजकुमार शर्मा सम्पर्कविहीन भएका छन्। आफूलाई पत्रकार भन्न रुचाउने शर्मासँग बेलुका फोन सम्पर्क गर्न खोज्दा मोबाइल स्विच अफ आएको र त्यसयता उहाँको कुनै अत्तोपत्तो नलागेको परिवारले जनाएको छ।

नियमित कामका लागि धुलाबारी गएका शर्मा निलो रङको भेष्ट र कफी रङको पाइन्ट लगाएर घरबाट निस्किएका थिए। परिवार तथा आफन्तले उहाँको खोजी जारी राखेका छन्।

उहाँलाई कतै देख्नुहुने वा उहाँबारे कुनै जानकारी पाउनुहुने महानुभावले नजिकको प्रहरी कार्यालय वा परिवारजनलाई जानकारी गराइदिन हार्दिक अपिल गरिएको छ।