गणेश पराजुलीले बोलेका असंसदीय शब्द संसदको रेकर्डबाट हटाउन सभामुखको निर्देशन

काठमाडौँ– सभामुख डोलप्रसाद अर्यालले राष्ट्रिय स्वतन्त्र पार्टी (रास्वपा)का सांसद गणेश पराजुलीले बोलेका असंसदीय शब्द संसदको रेडकबाट हटाउन निर्देशन दिएका छन्।

आजको जारी संसद बैठकमा सभामुख अर्यालले पराजुलीका शब्द हटाउन निर्देशन दिएका हुन्। पराजुलीले मंगलबार संसदमा बोल्दै भरौटेहरू र लुगा लगाए पनि नाङ्गै हिडेको जस्तो भनेर प्रतिपक्षी दलका सांसदहरूलाई भनेका थिए।

उक्त शब्द संसदको रेडकर्डबाट हटाउन एमालेले माग गरेको थियो। सभामुख अर्यालले आज उक्त शब्द हटाउन संसद सचिवालयलाई निर्देशन गरेका हुन्।